Patiala Politics

Latest Patiala News

Gynecologist Dr.Monika Verma addressed the annual meeting of ESHRIs in Italy.

July 10, 2022 - PatialaPolitics

Gynecologist Dr.Monika Verma addressed the annual meeting of ESHRIs in Italy.

ਪਟਿਆਲਾ-ਅਧਾਰਤ ਗਾਇਨੀਕੋਲੋਜਿਸਟ ਨੇ ਇਟਲੀ ਵਿੱਚ ਈਐਸਐਚਆਰਈਜ਼ ਦੀ ਸਾਲਾਨਾ ਮੀਟਿੰਗ ਵਿੱਚ ਆਈ.ਵੀ.ਐਫ. ਦੁਆਰਾ ਬੱਚੇ ਪੈਦਾ ਕਰਨ ਦੀਆਂ ਸੰਭਾਵਨਾਵਾਂ ਨੂੰ ਬਿਹਤਰ ਬਣਾਉਣ ਲਈ ਇੱਕ ਨਵਾਂ ਪ੍ਰੋਟੋਕੋਲ ਕੀਤਾ ਤਿਆਰ

 

ਗਾਇਨੀਕੋਲੋਜਿਸਟ ਡਾ. ਮੋਨਿਕਾ ਵਰਮਾ ਨੇ ਯੂਰਪੀਅਨ ਸੋਸਾਇਟੀ ਆਫ਼ ਹਿਊਮਨ ਰੀਪ੍ਰੋਡਕਸ਼ਨ ਐਂਡ ਐਂਬ੍ਰਾਇਓਲੋਜੀ ਦੀ ਸਾਲਾਨਾ ਮੀਟਿੰਗ ਵਿੱਚ ਲਗਾਤਾਰ ਚੌਥੀ ਵਾਰ ਆਈ.ਵੀ.ਐਫ. ਸਬੰਧੀ ਆਪਣੀ ਕਾਰਗੁਜ਼ਾਰੀ ਪੇਸ਼ ਕੀਤੀ

ਪਟਿਆਲਾ, 10 ਜੁਲਾਈ:

 

ਭਾਰਤੀ ਆਈ.ਵੀ.ਐਫ. ਮਾਹਿਰਾਂ ਦੀ ਨੁਮਾਇੰਦਗੀ ਕਰਦਿਆਂ ਪਟਿਆਲਾ-ਅਧਾਰਤ ਗਾਇਨੀਕੋਲੋਜਿਸਟ ਡਾ. ਮੋਨਿਕਾ ਵਰਮਾ ਨੇ ਯੂਰਪੀਅਨ ਸੋਸਾਇਟੀ ਆਫ ਹਿਊਮਨ ਰੀਪ੍ਰੋਡਕਸ਼ਨ ਐਂਡ ਐਂਬ੍ਰਾਇਓਲੋਜੀ (ਈਐਸਐਚਆਰਈਜ਼) ਦੀ 3 ਤੋਂ 6 ਜੁਲਾਈ, 2022 ਤੱਕ ਮਿਲਾਨ, ਇਟਲੀ ਵਿਖੇ ਹੋਈ 38ਵੀਂ ਸਲਾਨਾ ਮੀਟਿੰਗ ਵਿੱਚ ਆਪਣਾ ਕਲੀਨਿਕਲ ਡੇਟਾ ਪੇਸ਼ ਕੀਤਾ, ਜਿਸ ਵਿੱਚ ਆਈ.ਵੀ.ਐਫ. ਜ਼ਰੀਏ ਭਰੂਣ ਟ੍ਰਾਂਸਫਰ ਲਈ ਇੱਕ ਨਵੇਂ ਅਤੇ ਸਰਲ ਪ੍ਰੋਟੋਕੋਲ ਦਾ ਜ਼ਿਕਰ ਹੈ, ਜਿਸ ਨਾਲ ਬੱਚਾ ਹੋਣ ਦੀ ਸੰਭਾਵਨਾ ਵਧਣ ਦੇ ਨਾਲ ਨਾਲ, ਘੱਟ ਪੇਚੀਦਗੀਆਂ ਅਤੇ ਗਰਭ ਅਵਸਥਾ ਸਬੰਧੀ ਬਿਹਤਰ ਨਤੀਜੇ ਮਿਲਣ ਦੀ ਉਮੀਦ ਹੈ।

 

ਇਹ ਪ੍ਰੋਟੋਕੋਲ ਖਾਸ ਤੌਰ ‘ਤੇ ਫਰੋਜ਼ਨ ਐਂਬ੍ਰਾਇਓ ਟ੍ਰਾਂਸਫਰ ‘ਚੋਂ ਗੁਜ਼ਰ ਰਹੇ ਮਰੀਜ਼ਾਂ ਅਤੇ ਡੋਨਰ ਓਸਾਈਟਸ ਨਾਲ ਆਈ.ਵੀ.ਐਫ. ‘ਚੋਂ ਗੁਜ਼ਰ ਰਹੇ ਮਰੀਜ਼ਾਂ ਦੀ ਮਦਦ ਕਰਦਾ ਹੈ।

ਇਨ ਵਿਟਰੋ ਫਰਟੀਲਾਈਜ਼ੇਸ਼ਨ ਗਰਭਧਾਰਣ ਦੀ ਇੱਕ ਪ੍ਰਕਿਰਿਆ ਹੈ ਜਿੱਥੇ ਇੱਕ ਅੰਡੇ ਨੂੰ ਸਰੀਰ ਦੇ ਬਾਹਰ ਇੱਕ ਸ਼ੁਕਰਾਣੂ ਨਾਲ ਜੋੜਿਆ ਜਾਂਦਾ ਹੈ, ਜਿਸਨੂੰ ਆਮ ਤੌਰ ‘ਤੇ ਟੈਸਟ ਟਿਊਬ ਬੇਬੀ ਕਿਹਾ ਜਾਂਦਾ ਹੈ। ਇਸ ਵਿੱਚ ਇੱਕ ਔਰਤ ਦੀ ਅੰਡਕੋਸ਼ ਪ੍ਰਕਿਰਿਆ ਦੀ ਨਿਗਰਾਨੀ ਅਤੇ ਉਤੇਜਨਾ, ਉਸ ਦੇ ਅੰਡਾਸ਼ਯ ‘ਚੋਂ ਅੰਡੇ ਨੂੰ ਹਟਾਉਣਾ ਅਤੇ ਪ੍ਰਯੋਗਸ਼ਾਲਾ ਵਿੱਚ ਇੱਕ ਸੰਸਕ੍ਰਿਤੀ ਮਾਧਿਅਮ ਵਿੱਚ ਬਾਹਰਲੇ ਸ਼ੁਕਰਾਣੂਆਂ ਨਾਲ ਫਰਟੀਲਾਈਜ਼ ਕਰਨਾ ਸ਼ਾਮਲ ਹੈ।

ਦੱਸਣਯੋਗ ਹੈ ਕਿ ਡਾ ਵਰਮਾ ਨੂੰ ਲਗਾਤਾਰ ਚਾਰ ਈਐਸਐਚਆਰਈ ਸਲਾਨਾ ਮੀਟਿੰਗਾਂ ਵਿੱਚ ਆਈਵੀਐਫ ਸਬੰਧੀ ਆਪਣੀ ਕਾਰਗੁਜ਼ਾਹੀ ਪੇਸ਼ ਕਰਨ ਦਾ ਦੁਰਲੱਭ ਮਾਣ ਪ੍ਰਾਪਤ ਹੈ, ਜੋ ਕਿ ਮਨੁੱਖੀ ਪ੍ਰਜਨਨ ਵਿੱਚ ਖੋਜ ਲਈ ਸਮਰਪਿਤ ਸਭ ਤੋਂ ਵੱਡੀ ਅੰਤਰਰਾਸ਼ਟਰੀ ਆਈਵੀਐਫ ਸੁਸਾਇਟੀ ਵਿੱਚੋਂ ਇੱਕ ਹੈ